Зорка серыяла «Інтэрны», амерыканскі акцёр Одзін Байран, у інтэрв'ю журналісту New York Magazine прызнаўся ў сваёй гомасэксуальнасці, паведамляецца на сайце выдання Vulture.
idiscovery.ru
Байран сказаў, што ніколі не хлусіў аб сваёй сэксуальнай арыентацыі. Пра яго нетрадыцыйныя схільнасці ўжо даўно ведаюць бацькі, блізкія сябры і пара калегаў па расейскім тэлебачанні.
Па словах Байрана, яго калега, акцёр Ахлабысцін, аказаўся «сапраўдным гамафобам». З-за яго амерыканец ледзь не перастаў здымацца ў серыяле. Асабліва пакрыўдзіла Байрана выказванне калегі пра «спальванні геяў у печах».
«У гэты момант, — кажа Байран, — я хацеў заявіць, што не магу больш працаваць з гэтым чалавекам, калі ён будзе працягваць здымацца ў серыяле. Аднак потым перадумаў».
Журналісту Байран прызнаўся, што не ведае, як на яго заяву адрэагуюць прыхільнікі ў Расіі, але адчувае, што, адкрыта заяўляючы аб сваёй гомасэксуальнасці, паступае правільна.
kino-teatr.ru
Адразу ж пасля афіцыйнай заявы амерыканскага акцёра ў Twitter Івана Ахлабысціна з'явілася наступны запіс: «Быкаў ніколі не даведаецца, што Філ вычварэнец. А Ахлабысцін, калі даведаўся, што яго сябар Одзін садаміт, біўся галавой аб сцяну і кляў лёс».
У каментарах да сваіх слоў Ахлабысцін адзначыў, што раней нават не здагадваўся пра схільнасці свайго сябра. «Так — незразумела. Я ў душу людзям не лезу, ды падставы не было», - паведаміў ён у сацыяльнай сетцы.
