«У сераду пацыенты тубэркулёзнай бальніцы «Наваельня», магчыма, зноў абвесьцяць галадоўку», — паведаміў «Нашай Нівы» адзін з хворых Сяргей Воранаў.

Паводле ягоных словаў, у шпіталі на днях зноў адключылі гарачую ваду і зачынілі душ. «Мужыкі нават ня могуць пагаліцца», — кажа сп.Воранаў. Калі заўтра гарачую ваду ня ўключаць, то хворыя гатовыя паўторна абвесьціць галадоўку.

Іншыя патрабаваньні сухотнікаў застаюцца нязьменнымі — цяпло ў пакоях і выхад на прагулкі ў лес.

«На гэты раз будзем галадаць на вуліцы, каб людзі, якія праяжджаюць побач, маглі бачыць, што ў бальніцы адбываецца галадоўка. Думаю, што зноў больш сотні чалавек вывесьці на галадоўку нам не атрымаецца, але каля пяцідзесяці — гэта стабільна», — гаворыць С.Воранаў.

Сухотнікі просяць, каб пра іх праблемы не забывалася прэса, а часьцей тэлефанавала і цікавілася іх справамі.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзеру