Каля сотні футбольных фанатаў мінскага «Дынама», якія сабраліся ў Фрунзенскім ФАКу, каб правесці сяброўскі турнір, затрыманыя АМАПам. Маладыя людзі былі пагружаныя ў аўтазакі. Цяпер тэлефоны іх не адказваюць.
Па словах ананімнай крыніцы, якая паведаміла Еўрарадыё пра затрыманне, футбольныя фанаты ў нашай краіне лічацца небяспечнай супольнасцю, таму, калі іх збіраецца больш за 50, узнікае патрэба правесці з імі гутарку. Хоць, мяркуе наш суразмоўца, такое затрыманне незаконнае.
