Джоні Дэп у фільме «Мардэкай»

Джоні Дэп у фільме «Мардэкай»

«Кінавідэапракат» распаўсюдзіў інфармацыю аб тым, што са спісу сакавіцкіх прэм'ер выбыў фільм «Мардэкай».

Стужка, галоўную ролю ў якой выканаў славуты актор Джоні Дэп, мусіла выйсці на экраны сталічных кінатэатраў 12 сакавіка.

Прычынай адмены прэм'еры стала затрымка камедыі ў расійскім пракаце.

«Кінавідэапракату» было прапанавана змяніць дату выхаду карціны ў Мінску, бо старт «Мордекая» у кінатэатрах Расіі запланаваны на 26 сакавіка. Але праз шчыльны графік ў Беларусі зрабіць гэта не атрымалася. Праз перанос фільма ў сетцы УП «Кінавідэапракат» Мінгарвыканкама няма месца для паказу камедыі.

У прапанаваныя расійскім бокам даты на экраны кінатэатраў выйдуць мультыплікацыйны фільм «Баранчык Шон», добра вядомы гледачам па аднайменным англійскім серыяле, драма «Кошт чалавека», амерыканская камедыя «Машына часу ў джакузі-2», фільм з Джэніфер Лопес «Прыхільнік», а таксама расійская фэнтэзі-анімацыя «Чарадзей раўнавагі», трылер «Няўлоўныя», сямейнае кіно «Прывід» з Фёдарам Бандарчуком у галоўнай ролі.

Аднак камедыю «Мардэкай» ўсё ж можна будзе ўбачыць у беларускай сталіцы. Прадстаўнікі кінатэатра Silver Screen кажуць, што пасля таго, як фільм выйдзе ў расійскі пракат, яго пачнуць паказваць і ў Мінску.

***

Фільм «Мардэкай» з Джоні Дэпам у галоўнай ролі распавядае пра арт-дырэктара Чарлза Мардэкая, які завінаваціўся Брытаніі 8 мільёнаў долараў, а гэта значыць, што ён можа пазбавіцца сваёй маёмасці. Каб гэтага не адбылося, паліцыя прапануе Мордекаю ўгоду: той павінен знайсці карціну «Герцагіня Велінгтон».

Персанажа Джоні Дэпа, пацешнага аферыста з вясёлымі вусікамі, у стужцы чакае нямала прыгод. Яму давядзецца сутыкнуцца з рускай мафіяй, брытанскай выведкай МІ-5, міжнародным тэрарыстам і са сваёй чароўнай жонкай, якую выканае бялявая Гвінет Пэлтроў.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?