Фота: Магілёўскі аблвыканкам
На купальскім свяце «Александрыя збірае сяброў» будуць прадстаўленыя першыя вынікі праекту «Купальскі пояс», распавядае Магілёўскі аблвыканкам.
У межах праекту «Купальскі пояс» майстры Магілёўшчыны маюць намер саткаць самы доўгі пояс Беларусі. Паўдзельнічаць у праекце зможа кожны ахвочы.
«Па задуме ён будзе ўключаць у сябе традыцыйныя матывы арнаментаў паясоў усіх рэгіёнаў Магілёўскай вобласці, — падкрэсліла вядучы рэдактар Магілёўскага абласнога метадычнага цэнтра народнай творчасці і культурна-асветнай работы Алёна Беланожка.
У мінулым годзе цэнтр ладзіў семінары па ткацтве паясоў, каб майстрыхіз усіх раёнаў вобласці авалодалі гэтым рамяством, паглыбілі свае ўменні і навыкі.
Вынікі праекту будуць прадстаўленыя на радзіме Лукашэнкі, у вёсцы Александрыя Шклоўскага раёна, дзе штогод праходзіць святкаванне Купалля.
