Галівудскі комік Робін Уільямс забараніў выкарыстоўваць сваю выяву на працягу 25 гадоў пасля смерці. Гэта вынікае з апублікаванага завяшчання акцёра, паведамляе выданне The Hollywood Reporter.
DPA
Такім чынам, Уільямс абмежаваў выкарыстанне свайго імя, подпісу, фотаздымкаў і іншых выяў да 11 жніўня 2039 года, перадаўшы права на іх спецыяльнаму фонду Windfall Foundation, арганізаванаму яго афіцыйнымі прадстаўнікамі.
Вобраз Робіна Уільямса не можа быць адноўлены ў выглядзе галаграмы, выкарыстаны ў рэкламе ці кінастужцы. Адзначым, што гледачам былі прадстаўлены галаграмы Майкла Джэксана, Тупака Шакура і іншых памерлых знакамітасцяў.
Таксама паведамляецца, што на гэтым тыдні завяршылася судовая справа адносна спадчыны акцёра. Спрэчка разгарэлася паміж жонкай Робіна Сюзан Шнайдэр Уільямс і яго дзецьмі.
Оскараносны Робін Уільямс памёр на 64-м годзе жыцця, здзейсніўшы самагубства. Трагедыя адбылася 11 жніўня 2014 года ў яго доме ў горадзе Тыбурон (штат Каліфорнія, ЗША). Лічыцца, што прычынай суіцыду стала глыбокая дэпрэсія.
