Сіноптыкі папярэджваюць аб начных замаразках 3 і 4 мая на поўначы Беларусі

Гідрамет папярэджвае аб начных замаразках у найбліжэйшыя двое сутак. 

фота Анжаліка Васілеўская, Tut.by

Так, у ноч на 3 мая па заходняй палове Беларусі на глебе і месцамі ў паветры чакаюцца замаразкі да 0 — мінус 3 градусаў. Па Мінскай вобласці ў ноч на 3 мая тэмпература апусціцца да 0 — -2.

4 мая ноччу па паўночна-ўсходняй палове краіны на глебе і месцамі ў паветры чакаюцца замаразкі таксама да 0 — мінус 3 градусаў.

У МНС нагадваюць, што замаразкі ўяўляюць небяспеку для сельскагаспадарчых раслін, для насення і ўсходаў.

Для абароны раслін ад замаразкаў неабходна забяспечыць іх захаванасць палімернай плёнкай, нятканым матэрыялам (спанбондам), саломай.

Tut.by

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ