Карпарацыя Microsoft прадставіла пробную версію пакета праграм Office 2016. Спампаваць яе бясплатна можна тут. Падпісанты Office 365 атрымаюць поўную версію 2016 бясплатна, пробная версія для астатніх прапрацуе 180 дзён.
Навінкі ў «Офісе» — поўная кросплатформавасць (ад настольных камп’ютараў да iPad) і больш глыбокая падтрымка воблака OneDrive з магчымасцю супольнага рэдагавання аднога дакумента.
Таксама з’явіліся новыя праграмы Microsoft Sway (стварэнне прэзентацыйных сайтаў) і Office Lens (ператварэнне фота ў PDF ці дакумент), дадатковыя магчымасці для аналізу звестак у Excel і іншае.
Для работы з Office 2016 неабходныя Windows 7, 8 ці 8.1. Падтрымліваецца і папярэдняя версія Windows 10.
