Пракуратура Мінскай вобласці накіравала ў суд справу ў дачыненні да маладой сямейнай пары, якая абвінавачваецца ў вырабе з мэтай распаўсюджвання і рэкламавання, а таксама ў распаўсюджванні і рэкламаванні парнаграфічных матэрыялаў і выяў з выкарыстаннем інтэрнэта (ч. 2 ст. 343 КК).
Як паведаміла старшы памочнік пракурора Мінскай вобласці Ларыса Пархімовіч, згодна з прад'яўленым абвінавачаннем, 25-гадовая жанчына сумесна са сваім 31-гадовым мужам у кастрычніку 2012 года арандавалі ў Мінску двухпакаёвую кватэру і падключылі ў ёй паслугу доступу ў інтэрнэт. Тут жа падключылі, настроілі і арганізавалі тэхнічнае абслугоўванне камп'ютараў, веб-камер, мадэмаў і іншага абсталявання, якое дазваляе забяспечыць віртуальныя зносіны карыстальнікаў глабальнай сеткі, а таксама забяспечылі доступ камп'ютарнай тэхнікі да розных рэсурсаў інтэрнэта, якія спецыялізуюцца на распаўсюджванні матэрыялаў парнаграфічнага зместу.
Пара адшукала не менш чым 14 дзяўчат, якія згадзіліся за грашовае ўзнагароджанне зносіцца ў відэачатах з кліентамі інтэрнэр-рэсурсаў.
Такім чынам, як адзначаюць у пракуратуры, сямейная пара ў арандаванай кватэры ажыццяўляла выраб, распаўсюджванне і рэкламаванне з выкарыстаннем інтэрнэта матэрыялаў і выяў парнаграфічнага зместу і атрымлівала грашовае ўзнагароджанне ад уладальнікаў інтэрнэт-рэсурсаў спецыфічнага зместу.
За злачынства, прадугледжанае ч. 2 арт. 343 КК, прадугледжана пакаранне ў выглядзе пазбаўлення волі на тэрмін ад 2 да 4 гадоў.
Папярэдняе расследаванне крымінальнай справы праводзілася следчым упраўленнем УСК па Мінскай вобласці.
