Старшыня Еўракамісіі Жан-Клод Юнкер прапанаваў ураду Грэцыі праграму дадатковай дапамогі на суму 35 мільярдаў еўра, выдзяленне якой будзе расцягнута да 2020 года. Пра гэта ён паведаміў на прэс-канферэнцыі ў Бруселі.
Паводле яго слоў, праграма накіравана на тое, каб палепшыць перспектывы эканамічнага росту Грэцыі. Еўракамісія спрабуе таксама кансалідаваць бюджэт Грэцыі і павысіць занятасць яе насельніцтва. Па словах Юнкера, першы мільярд еўра можа быць выдзелены Афінам ужо ў другім паўгоддзі.
Раней грэчаскія банкі абмежавалі выдачу наяўных у сваіх аддзяленнях сумай у 3000 еўра ў адны рукі. Абмежаванне ўвялі пасля таго, як у выхадныя з банкаматаў было знята больш за 400 мільёнаў еўра, а агульны адток сродкаў з фінансавай сістэмы склаў 2 мільярды даляраў.
