Харысан Форд у ролі Хана Сола часоў першай трылогіі
Кінасусвет «Зорных войнаў» разрастаецца: у дадатак да трох новых эпізодаў асноўнай сагі, спін-офаў пра паўстанцаў і пра Бобу Фэта з’явіцца спін-оф пра Хана Сола, паведамляецца на афіцыйным сайце «Зорных войнаў».
Фільм пра Хана Сола выйдзе 25 мая 2018 года і распавядзе пра яго жыццё да знаёмства са Скайвокерамі. Ці вернецца Харысан Форд да ролі Хана Сола ў гэтым фільме, невядома.
Падрабязнасці пра акцёрскі склад не раскрываюцца. Улічваючы, што Харысан Форд выканае ролю немаладога Хана ў новых эпізодах асноўнай сагі, а спін-оф распавядзе пра значна маладзейшага героя, на галоўную ролю можа быць абраны і іншы акцёр.
Прадзюсарамі фільма стануць Крыстафер Мілер і Філ Лорд (рэжысёры і сцэнарысты «Лега. Фільма»), сцэраныстамі — Лоўрэнс Кэсдан (які пісаў сцэнар да двух фільмаў першай трылогіі) і яго сын Джон Кэсдан.
