Выдавецтва Pearson прадае брытанскую газету Financial Times японскай карпарацыі Nikkei за 1,3 млрд даляраў, гаворыцца ў паведамленні выдавецтва.
Раней агенцтва Bloomberg са спасылкай на свае крыніцы паведамляла, што сума ўгоды можа дасягнуць 1,6 млрд даляраў.
У Financial Times 720 тысяч падпісчыкаў, з іх 70% — уладальнікі электроннай падпіскі. Сукупная выручка Pearson ў 2014 годзе склала 4,9 млрд фунтаў (7,7 млрд даляраў).
Акцыі FT Group падаражэлі на 2,2% на таргах ў Лондане ў чацвер. Газета Financial Times з'яўляецца адным з найстарэйшых фінансавых выданняў свету.
0
0
0
0
0
0
