Каля 22.00 25 ліпеня супрацоўнікі Дзяржпагранслужбы на кантрольным посце «Бярозавае» (Данецкая вобласць) затрымалі «КамАЗ» з боепрыпасамі.
Пра гэта паведамляе Дзяржаўная памежная служба Украіны.
Транспартным сродкам, які заехаў на кантрольны пост з тэрыторыі, часова непадкантрольнай Украіне, перасоўваліся дзве асобы ў вайсковай форме.
«Затрымаўшы машыну, памежнікі папярэдне высветлілі, што адзін з мужчын — кадравы ваенны ВС РФ у званні «маёр», а другі належыць да незаконных узброеных фарміраванняў. У «КамАЗе» праваахоўнікі знайшлі скрыні з вялікай колькасцю патронаў рознага калібру», — гаворыцца ў паведамленні.
На месца прыбылі супрацоўнікі СБУ, МУС і іншых структур для высвятлення ўсіх абставінаў. Праводзяцца фільтрацыйныя мерапрыемствы.