Указам № 349 ад 10 жніўня Аляксандр Лукашэнка ўнёс змяненні і дапаўненні ў некаторыя ўказы па пытаннях функцыянавання сістэмы збірання платы за праезд па платных аўтамабільных дарогах.

У прыватнасці, прадугледжваецца вызваліць ад платы за праезд на працягу 10 дзён з моманту ўвозу (набыцця) набытыя (новыя або ўвезеныя) транспартныя сродкі (раней не зарэгістраваныя ў Беларусі) з тэхнічна дапушчальнай агульнай масай не большай чым 3,5 тоны пры дастаўцы іх да месца дзяржаўнай рэгістрацыі, паведамляе прэс-служба прэзідэнта.

Акрамя таго, ад платы за праезд вызваляюцца карыстальнікі, якія выкарыстоўваюць транспартныя сродкі, зарэгістраваныя на тэрыторыі Данецкай і Луганскай абласцей Украіны, з тэхнічна дапушчальнай агульнай масай не большай чым 3,5 тоны, і прычэпы, якія буксіруюцца імі.

У мэтах забеспячэння выканання ўскладзеных на Транспартную інспекцыю Мінтранса функцый па збіранні платы ў павялічаным памеры гэтай структуры прадастаўляецца права запытваць і атрымліваць адпаведную інфармацыю ад МПЗ і МУС аб рахунках уладальніка або лізінгаатрымальніку (арандатары) транспартнага сродку.

Акрамя таго, уносяцца змяненні ў Правілы дарожнага руху, якія прадугледжваюць неабходнасць абсталявання вучэбных аўтамабіляў відэарэгістратарамі пры здачы экзаменаў.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?