Пра гэта амерыканскі музыка і былы вакаліст гуртоў Rainbow і Deep Purple Джо Лін Тэрнер заявіў на прэс-канферэнцыі ў Сімферопалі.
Britta Pedersen / Global Look
Спявак мае намер правесці канцэрты ў Феадосіі, Севастопалі і Ялце 13—15 жніўня.
«Я быў некалькі месяцаў таму ў Крыме. Тут будуць адбывацца толькі пазітыўныя рэчы, так як праўда на вашым баку», — сказаў Тэрнер.
Ён дадаў, што вырашыў прыехаць, нягледзячы на папярэджанні уладаў ЗША.
Тэрнер таксама прызнаўся, што гатовы пераехаць у Беларусь: «Я некамфортна пачуваюся ў ЗША і не згодны з палітычнымі рашэннямі амерыканскіх уладаў. Гэтая краіна цяпер не тая, у якой мяне выгадаваў мой бацька».
Джо Лін Тэрнер пачаў музычную кар'еру ў 1976 годзе з выступаў у студэнцкім рок-гурце. У Rainbow яго паклікаў Блэкмар. Пасля распаду групы Тэрнер выступаў сольна, пакуль яго не запрасілі ў Deep Purple замяніць Іэна Гілана. У складзе розных калектываў ён запісаў больш за 30 альбомаў і выпусціў 12 сольных пласцінак.
