11 жніўня ў Гомельскім абласным клінічным скурна-венералагічны дыспансеры адбылося забойства. Як паведаміла афіцыйны прадстаўнік УСК па Гомельскай вобласці Марыя Крываногава, адна з пацыентак ўстановы аховы здароўя забіла 45-гадовага мужчыну, які таксама праходзіў тут лячэнне.
Падазраваная — 29-гадовая жыхарка Лоева, забіты — жыхар Гомеля. Падазраваная спасылаецца на тое, што была п'яная і нічога не памятае.
Паводле папярэдняй інфармацыі, вечарам 11 жніўня пацыенты сустрэліся на лесвічнай пляцоўцы паміж пятым і шостым паверхам дыспансера і пасварыліся. Жанчына нанесла сваёй ахвяры нажом некалькі раненняў у грудзі і пайшла да сябе ў палату. Мужчына спусціўся на пяты паверх і папрасіў у медперсанала дапамогі, але выратаваць яго ўжо не ўдалося.
Вядзецца следства.
