Паўночнакарэйскі лідар Кім Чэн Ын загадаў прывесці войскі ў поўную баявую гатоўнасць. Напярэдадні на мяжы паміж Паўночнай і Паўднёвай Карэямі адбыўся абмен артылерыйскім агнём.
Пасля пасяджэння Цэнтральнага ваеннага камітэта ЦК Працоўнай партыі Карэі было абвешчана аб тым, што ўзброеныя сілы КНДР павінны быць прыведзены ў поўную баявую гатоўнасць для агнявога тактычнага наступу.
Згодна з інфармацыйным агенцтвам Паўночнай Карэі, Кім Чэн Ын заявіў, што краіна знаходзіцца ў «стане паўвайны».
Пхеньян пагражае прымяніць сілу, калі Сеул не спыніць прапагандысцкія трансляцыі ў памежнай зоне.
Такая агрэсіўная рыторыка Пхеньяна ўжо стала рытуалам, але на гэты раз мова больш жорсткая, чым звычайна. Да таго ж ваяўнічыя заявы суправаджаюцца артылерыйскімі стрэламі.