Уладзімір Беражкоў.
Як паведамілі ў Следчым камітэце, аператыўнымі супрацоўнікамі МУС задакументаваны абставіны злоўжывання службовымі паўнамоцтвамі генеральным дырэктарам хакейнага клуба «Дынама-Мінск» Максімам Суботкіным, якое пацягнула прычыненне шкоды клубу ў асабліва буйным памеры.
«Акрамя таго, супрацоўнікамі міліцыі выяўлены факты крадзяжу шляхам злоўжывання службовымі паўнамоцтвамі, здзейсненага генеральным менеджарам Уладзімірам Беражковым. Апошні на працягу года сістэматычна прысвойваў грашовыя сродкі хакейнага клуба і распараджаўся імі па сваім меркаванні.
У цяперашні час папярэдні памер выкрадзенага Уладзімірам Беражковым ацэньваецца ў суму не менш за адзін мільярд рублёў.
Канчатковы памер шкоды, прычыненай службовай асобай, вызначаецца», — адзначылі ў СК.
Суботкіну і Беражкову прад'яўлена абвінавачанне. Яны знаходзяцца пад вартай.
Расследаванне крымінальных спраў працягваецца.
Глядзіце таксама: Пяць фактаў пра арыштаванага Уладзіміра Беражкова
