Улады Балгарыі гатовыя дазволіць расійскім самалётам выкарыстоўваць яе паветраную прастору пры дастаўцы гуманітарных грузаў у Сірыю, калі Расія дазволіць правяраць гэтыя грузы, заяўляе МЗС Балгарыі.
«Калі нашы расійскія калегі згодныя на правядзенне праверак у балгарскім аэрапорце, то мы дамо такі дазвол», — заявіў кіраўнік ведамства Даніэл Мітаў.
Як растлумачыў міністр, рашэнні Рады ЕС, прынятыя ў 2011 і 2012 гадах, даюць права на забарону правозу праз тэрыторыю краіны пэўных тыпаў грузаў.
