У Гомелі на вуліцы 60 гадоў БССР 22 лістапада п'яны кіроўца учыніў наезд на п'янага пешахода
Кіроўца 1956 года нараджэння ў стане алкагольнага ап'янення на аўтамабілі «Фольксваген-Туран» у раёне прыпынку грамадскага транспарту ўчыніў наезд на пешахода 1970 года нараджэння. Як паведамілі ва ўпраўленні ДАІ УУС Гомельскага аблвыканкама, пешаход таксама знаходзіўся ў нецвярозым стане і перабягаў дарогу ў неўстаноўленым месцы блізу пешаходнага пераходу.
У ДТЗ пешаход атрымаў траўмы галавы і ўдар грудной клеткі і быў шпіталізаваны ў нейрахірургічнае аддзяленне абласной бальніцы.
У нейрахірургію абласной бальніцы трапіла і пешаход 1961 года нараджэння, якая 20 лістапада ў Гомелі пераходзіла дарогу на забараняльны сігнал святлафора. ДТЗ адбылося на Рэчыцкім праспекце. На жанчыну наехаў кіроўца аўтамабіля «Таёта-Пікнік». Пешаход атрымала страсенне мозгу.
