 |
Невядома чаго чакаць ад гурту, які імкнецца адначасова на «Басовішча» і на «Эўравізію», які прадукуе песьні фармату «Русского радио» (слухаем «Мечтай со мной») і вершаваную салянку зь вершаў Купалы, Гаруна ды Броўкі. Гэты трэк пэўна і можна назваць разынкай альбому — Dali гэта самі назвалі «паэтычным фанкавым міксам».
Калі не заганяцца — выглядае прывабна: Віктар рытмічна прагаворвае «Ты мой брат, каго зваць беларусам», у другім куплеце — «А хто там ідзе», а ў прыпеве саладжавенька зацягвае «Пахне чабор».
Але далей слухача ізноў чакае суцэльная няўцямнасьць — пару рэміксаў ды ангельскамоўны трэк «Silver Sky», зь якім «далійцы», відаць, будуць прабівацца на «Эўравізію» ад Польшчы.
Dali маюць глузды, засталося толькі знайсьці стрыжань. Пакуль жа — іх творчыя памкненьні скіраваныя ў нікуды.
