 |
Першымі ў абарону былога намесьніка старшыні партыі стала Берасьцейская абласная рада БНФ. Пасьля былі заявы Гарадзенскай і Віцебскай гарадзкіх арганізацый, а таксама абласной структуры Магілёўшчыны.
«Выключэньне Міхалевіча паказвае адсутнасьць жаданьня кіраўніцтва БНФ ісьці на кампраміс, што не вырашае праблему еднасьці ўнутры партыі. Мы лічым, што сёньня сп.Алесь Міхалевіч ёсьць адным з найбольш пасьпяховых партыйных кіраўнікоў. Патрабуем ад Сойму БНФ адмены прынятага рашэньня аб выключэньні Міхалевіча з шэрагаў партыі, а таксама ўзнаўленьня яго на пасадзе намесьніка старшыні», — гаворыцца ў заяве Віцебскай гарадзкой рады.
На Меншчыне галасы ўдзельнікаў рады падзяліліся папалам — чатыры чалавекі выступілі ў абарону Міхалевіча, чатыры — супраць, яшчэ два ўстрымаліся.
У суботу таксама зьбіралася Гомельская абласная рада БНФ і прыняла рашэньне патрабаваць ад кіраўніцтва партыі доказаў таго, што Міхалевіч нешта парушыў.
Сам Алесь Міхалевіч пакуль ня робіць рэзкіх крокаў і заяваў, вычэкваючы сытуацыю.
