Сайт абнаўляецца рэгулярна, за месяц былі дададзены галасы і вершы 8 паэтаў.
Сярод іх — беларусы Ўладзімер Арлоў, Анатоль Івашчанка, Глеб Лабадзенка, Марыя Мартысевіч, Сяргей Прылуцкі і Віка Трэнас.
На дадзены момант, у беларускай секцыі прадстаўлена 15 паэтаў, разам зь Ігарам Бабковым, Верай Бурлак, Леанідам Дранько‑Майсюком, Вольгай Іпатавай, Андрэем Хадановічам, Нінай Мацяш, Вальжынай Морт, Міхасём Скоблам і Віктарам Жыбулем.
Беларуская секцыя больш рэпрэзэнтатыўная за расейскую (7 паэтаў) і польскую (2 паэты).
У 2005 годзе Lyrikline.org атрымаў прэмію Grimme Online у намінацыі «Культура і адпачынак». Гэтай узнагародай адзначаюцца Інтэрнэт‑рэсурсы на нямецкай мове — сайты тэлебачаньня, радыё, і іншыя старонкі, прызначаныя для шырокай аўдыторыі.
Grimme‑Online‑Award.de піша, што перамагаюць сайты, якія выкарыстоўваюць асаблівыя магчымасьці Інтэрнэту на поўную моц і дэманструюць ідэальную практыку ў форме і зьмесьце.
Беларускіх паэтаў і творцаў зь іншых краінаў можна слухаць на beпераможным сайце.
