15 студзеня Мікалай Лукашэнка наведаў піраміды Гізы. Экскурсію для малодшага сына кіраўніка Беларусі, які суправаджае бацьку ў паездцы па Егіпце, арганізавалі егіпецкія ўлады.
Фота: ahram.org.eg
Як паведамляюць мясцовыя СМІ, экскурсію для Мікалая Лукашэнкі правёў асабіста генеральны дырэктар археалагічнага комплексу пірамід Ашраф Мохі.
«Сын прэзідэнта Беларусі быў вельмі зацікаўлены ў тым, каб наведаць піраміды, для таго каб убачыць веліч цывілізацыі фараонаў. Ён сказаў, што гэта адно з цудаў свету», — распавёў дырэктар.
Ён таксама паведаміў, што Мікалай Лукашэнка ў час экскурсіі агледзеў тры піраміды і сфінкса. Па словах Ашраф Мохі, малодшы сын прэзідэнта Беларусі захоплена фатаграфаваў падчас экскурсіі, а таксама з задавальненнем і сам сфатаграфаваўся на фоне пірамід.
Генеральны дырэктар археалагічнага комплексу пірамід Ашраф Мохі і Мікалай Лукашэнка. Фота: ahram.org.eg
Нагадаем, раней у сваім інтэрв'ю юнаму расійскаму рэпарцёру Мікалай Лукашэнка прызнаўся, што яго любімы прадмет - геаграфія.