У акваторыі крымскага гораду Алушта напярэдадні 16 ліпеня беларус на водным матацыкле сутыкнуўся зь яхтай і загінуў.

Паводле зьвестак крымскіх раватальнікаў а 15:45 у Алушцінскі райаддзел МНС паступіла паведамленьне пра тое, што насупраць пляжу санаторыя «Крымская рыўера» здарылася бяда. У 500 мэтрах ад берагу сутыкнуліся водны матацыкал і яхта. На вялікай хуткасьці скутэр «Ямаха» не пасьпеў выруліць і ўрэзаўся ў борт прыватнай яхты «Анжаліка». 26‑гадовы юнак, жыхар Менску, які кіраваў гідраматацыклам, ад атрыманых траўмаў загінуў на месцы.

Як стала вядома, малады чалавек перад гэтым выпіваў на беразе з сваім сябруком. Затым хлопцы ўзялі на пракат скутэр і зладзілі «гонкі». Сябра загінулага ўратаваўся дзівам: за некалькі ймгненьняў да ўдару ён на павароце зваліўся ў ваду.

Цяпер працягваецца расьсьледаваньне гэтага здарэньня, усчатая крымінальная справа.

Паводле mvkursk.ru

Глядзі яшчэ:
У Крыме патанула маладая гарадзенка
У Крыме ў аварыю трапіў аўтобус зь беларускімі турыстамі

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзеру