Беларускія памежнікі выявілі ў Берасьцейскай вобласьці тры нелегальныя склады з гарэлкай украінскай вытворчасьці. Усяго было канфіскавана 1400 пляшак на суму каля 32 мільёнаў рублёў, — паведамляе Дзяржаўны памежны камітэт.

Варта адзнчыць, што сотні беларускіх грамадзян перасякаюць мяжу на аўтамабілях ды аўтобусах, каб закупіць у Чарнігаве й Чарнігаўскай вобласьці алькагольныя напоі ды іншыя тавары, — камэнтуе навіну чарнігаўскае выданьне «Високий Вал».

На думку выданьня, зьвязана гэта з тым, што багата тавараў ва Ўкраіне каштуюць значна таньней, чым у Беларусі. Напрыклад, украінская гарэлка каштуе ўдвая меней за беларускую. Між тым, у Беларусь можна ўвозіць ня больш за два літры алькагольных вырабаў.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзеру