Праца праваахоўнікаў па прафілактыцы правапарушэнняў павінна быць практычнай і дзейснай. Пра гэта Аляксандр Лукашэнка заявіў сёння на нарадзе па разгляду вынікаў дзейнасці праваахоўных органаў у 2016 годзе і пытанняў аптымізацыі праваахоўнай і судовай сістэм, паведамляе прэс-служба кіраўніка дзяржавы.

president.gov.by

president.gov.by

«Праблем у сферы праваахоўнай дзейнасці, на жаль, яшчэ хапае. Перш за ўсё, у пытаннях забеспячэння належнага ўзаемадзеяння ў працэсе прафілактыкі і папярэджання правапарушэнняў, раскрыцця і расследавання злачынных дзей, выключэння дубліравання і фармалізму ў працы, паўнаты кампенсацыі шкоды, прычыненай злачынствамі, — сказаў прэзідэнт. — Асабліва я хацеў бы падкрэсліць пытанне прафілактыкі».

Пры гэтым, падкрэсліў кіраўнік дзяржавы, праваахоўныя органы не павінны займацца аднымі размовамі — гэтага недастаткова. Прафілактычная праца павінна быць практычнай і дзейснай.

Лукашэнка адзначыў, што на гэта звярталася ўвага пры разглядзе дэкрэта № 3 «Аб папярэджанні сацыяльнага ўтрыманства» на нядаўняй нарадзе.

«Менавіта гэты дэкрэт якраз накіраваны на прафілактыку. Гэта магутнае прафілактычнае дзеянне. Я звяртаў увагу нашага міністра ўнутраных спраў перш за ўсё на гэтую праблему. Чаму? Таму што чалавек беспрацоўны (вы гэта ведаеце лепш за мяне) — гэта будучы злачынец. Павінны быць дзейсныя рычагі ўздзеяння ў плане прафілактычнай работы па недапушчэнні злачынстваў у будучыні. Гэта не толькі нашы размовы і разважанні».

Клас
Панылы сорам
Ха-ха
Ого
Сумна
Абуральна