Брытанскі калекцыянер Нік Мід знайшоў у паліўным баку танка Т-54 савецкай вытворчасці, які ён набыў на інтэрнэт-аўкцыёне, пяць залатых зліткаў. Кошт зліткаў, вагой пяць кілаграмаў кожны, складае два мільёны фунтаў стэрлінгаў (каля 2,5 мільёна даляраў).
Т-54, які належаў узброеным сілам Ірака, Мід набыў на eBay за 30 тысяч фунтаў стэрлінгаў (каля 37 тысяч даляраў ЗША).
Па словах Міда, ён падазраваў, што ў паліўным баку танка могуць знаходзіцца староннія прадметы, як мяркуецца, зброя. У сувязі з гэтым, працэс адкрывання бака здымаўся на відэа, каб пазбегнуць магчымых праблем з законам.
Мід мяркуе, што залатыя зліткі ў паліўны бак танка схавалі іракскія вайскоўцы, падчас ўварвання войскаў Садама Хусэйна ў Кувейт у 1990 годзе.
Зліткі ў калекцыянера канфіскавала паліцыя для праверкі, выдаўшы яму распіску. Ці атрымае ён іх назад, пакуль невядома, — правы на золата могуць заявіць улады Кувейта.
«Забяруць зліткі, ці не, у любым выпадку мой цудоўны танк застанецца ў мяне», — сказаў Мід.
