На трасе М1 удзень 9 мая ўтварыўся шматкіламетровы затор на выезд у Расію, паведаміла Ганна з Мінска. Расейскія памежнікі пацвердзілі: «Чарга кіламетраў пяць».
— Мы вярталіся ў Беларусь у раёне 15.30 і бачылі доўгую чаргу на выезд у Расію. Напэўна, расейцы вяртаюцца з выходных, бо ўчора, калі мы выязджалі, затораў не было. А сёння стаялі і фуры, і легкавыя машыны. Чарга даўжынёй кіламетраў у шэсць-сем, - распавяла Ганна.
Паводле яе слоў, чэргі на ўезд з Расіі ў Беларусь не было.
- Так, затор кіламетраў пяць там ёсць. Усе вяртаюцца са святаў з Беларусі. Грузавых машын вялікі паток, і легкавых сёння таксама шмат. Да вечара павінны ўсе праехаць, - паведамілі TUT.BY у памежнай службе ФСБ Расіі.
Як растлумачыў афіцыйны прадстаўнік Дзяржпагранкамітэта Антон Бычкоўскі, на беларуска-расійскай мяжы правяраюць дакументы толькі расійскія памежнікі. Што тычыцца чэргаў на іншых кірунках, па словах Бычкоўскага, у выходныя паток на самых папулярных - Польшча, Літва, Украіна - заўсёды моцна расце.
