У суполцы смерці «Укантакце» толькі з Брэсцкай вобласці былі зарэгістраваны 35 падлеткаў, паведамляе intex-press.by.
— У суполку ўваходзілі падлеткі 11—15 гадоў, — распавёў Intex-press Генадзь Вайтовіч, начальнік упраўлення аховы правапарадку і прафілактыкі УУС Брэсцкага аблвыканкама. — Усяго там было ўжо некалькі дзесяткаў чалавек з усёй Беларусі. Сярод іх — 35 падлеткаў з Брэсцкай вобласці. Зараз міліцыяй высвятляем, ці былі выпадкі суіцыду сярод падпісчыкаў суполкі.
У дачыненні да аднаго з адміністратараў суполкі, які пражывае на тэрыторыі Баранавіцкага раёна, супрацоўнікамі міліцыі праводзіцца праверка і вырашаецца пытанне аб прыцягненні да крымінальнай адказнасці.
Па словах міліцыянта, суполка была выдаленая адразу пасля яе выяўлення.
0
0
0
0
0
0
