Фота Агніі Лойкі.

Віталь Гуркоў стаў пераможцам у кікбоксінгу на Сусветных гульнях ва Уроцлаве (Польшча). Гэта спаборніцтвы па відах спорту, якія не ўваходзяць у праграму Алімпіяды.

«У фінале ў цяжкім баі ён перамог украінскага вундэркінда Васіля Сарокіна, — паведамляе беларускі кікбаксёр і журналіст Яўген Валошын. — У першым раўндзе беларус быў лепшы практычна ва ўсіх кампанентах, у другім — прайграў, ў трэцім — здолеў змяніць тактыку і дабіцца перамогі. На жылах, насуперак логіцы». 

Гэта адзіны залаты медаль у складзе зборнай Беларусі. 

Апроч Гуркова, з нашай каманды на п’едэстал падняўся толькі Мікіта Шостак (81 кг, 18 год, трэнер Віталь Цішуроў, Bulat Gym). 

Цягам турніру Віталь выбіў з барацьбы партугальца Д'ёга Калада, якому нядаўна прайграў у Мінску на чэмпіянаце свету.

Сусветныя гульні праводзяцца кожныя 4 гады, на наступны год пасля правядзення Алімпіяд. Спартсмены спаборнічаюць у дысцыплінах, якія не ўваходзяць у праграму Алімпійскіх гульняў. Ва Уроцлаве выступаюць больш за 3500 атлетаў з 100 краін у 31 відзе спорту.

У Гульнях ва Уроцлаве бралі ўдзел 88 байцоў муай-тай у 11 вагавых катэгорыях. Разыграны 11 камплектаў узнагарод.

Віталь Гуркоў. Архіўнае фота budzma.by.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

0
Каментатар / Адказаць
02.03.1988 / 16:15
Вiншуем !
0
Каментатар / Адказаць
26.02.1980 / 14:26
Поздравляем, Виталя!!!
0
Каментатар / Адказаць
19.11.2003 / 23:43
Жыве Беларусь!
Паказаць усе каментары/ 21 /
Каб пакінуць каментар, калі ласка, актывуйце JavaScript у наладах свайго браўзеру