У мястэчку Мядзел ратавальнікі выцягнулі мужчыну з-пад грунту, паведамляе МНС.
У службу выратавання 7 жніўня ў 12.39 паступіла паведамленне аб тым, што патрабуецца дапамога мужчыну, які захрас у яме па вуліцы Новая. Калі 44-гадовы мужчына праводзіў земляныя работы на прыватным падворку па ўладкаванні траншэі для водаправода, абваліўся грунт і яго засыпала па пояс.
Работнікі МНС выцягнулі пацярпелага з ямы. Мужчына з папярэднім дыягназам «сіндром сціскавання брушной поласці і грудной клеткі» брыгадай хуткай медыцынскай дапамогі дастаўлены ў бальніцу.
0
0
0
0
0
0
