Breaking Benjamin, Editors, Enter Shikari, Pain, The Qemists, In Extremo, тры дні на чатырох сцэнах, больш за 50 гуртоў з Украіны, Еўропы і ЗША, 500кВт музыкі, 600 кВт святла, яшчэ больш тэрыторыі і шалёны настрой — усё гэта чакае вас на фестывалі «Захід-2017» , які адбудзецца 18-20 жніўня пад Львовам у вёсцы Радатычы.
ZaxidFest — найбуйнейшы open-air фэст у Заходняй Украіне. Музычны фестываль адбываецца непадалёк ад старажытнага горада Львоў (40 км па трасе М11 у бок Польшчы). На працягу дзевяці гадоў ён радуе сваіх гасцей музычным эксклюзівам.
ZaxidFest — не толькі неверагодныя канцэрты і яркае шоў, але і адпачынак на прыродзе: кемпінг, забавы, смачная ежа — далей ад бетонных джунгляў (на самой справе, не так ужо і далёка, усяго 30 хвілін:). Лакацыя «Чароўная даліна», размешчаная паміж полем і лесам, мае некалькі азёр і камфортную тэрыторыю, дзе можна і пазагараць, і схавацца ў цянёк у гарачыя летнія дні.
У гэтым годзе на фестывалі выступіць больш за 50 гуртоў з Германіі, Швецыі, Вялікабрытаніі, ЗША, Украіны і іншых краін свету.
Упершыню ва Украіне: гурты Breaking Benjamin i Editors
Амерыканскія альтэрнатыўшчыкі Breaking Benjamin такі «зламаюць свайго Бенджаміна» — пераадолеюць страх перад палётамі фронтмэна гурта Бенджаміна Барнлі і перасякуць Атлантыку. Гэта будзе другі прыезд групы ў Еўропу. Шматразовыя ўдзельнікі розных амерыканскіх чартаў, уладальнікі плацінавых, мультыплацінавай, залатых альбомаў і сінглаў, аўтары шматлікіх песень, Breaking Benjamin збіраюць на радзіме стадыёны. Іх сінгл «I Will Not Bow» нядаўна стаў двойчы плацінавым — паводле інфармацыі The Recording Industry Association of America® (RIAA), прадалі ўжо два мільёны копій.
Брытанцы Editors на ZaxidFest стануць музычным катарсісам для ўсіх слухачоў вытанчанага пост-панка, бо група ўпершыню прыедзе ва Усходнюю Еўропу. Том Сміт, вакаліст каманды, мае вакальныя дадзеныя ў 4,95 актавы!
За «цяжэйшую» музыку на ZaxidFest будуць адказваць каманды з усяго свету, а менавіта Pain (Швецыя), In Extremo (Германія), We Butter The Bread with Butter (Германія), амерыканцы Miss May I, Being As An Ocean і Chelsea Grin, украінцы Septa, Space of Variations 1914 і іншыя.
Пяшчота фестывалю — гэта Vivienne Mort, мінорна-запальваючы Pianoboй, неверагодная Хрысціна Салавей на Начной сцэне. Дуэт «Жэня і Каця», The Elephants, ARLETT, Tik Tu, Zapaska на Інды-сцэне.
У гэты раз Беларусь на ZaxidFest будуць прадстаўляць Лявон Вольскі і Рэспубліка Паліна.
А таксама ўжо традыцыйна на фестывалі — катэгарычны і выдатны Noize MC, удзельнікі Еўрабачання O.Torvald, заўсёды выдатная «Карна», энергічны «Тартак», «рокабільшчыкі The Hypnotunez, лепшы рок-гурт Еўропы па версіі GBOB Sinoptik, зоркі ўкраінскага шоу «Х-Фактар» Detach, Fontaliza і многія іншыя.
Поўны пералік груп і квіткі на афіцыйным сайце фестывалю https://zaxidfest.com/.
Можна далучыцца да беларускага бас-тура з Мінска і Брэста: https://vk.com/zahid_minsk
Сачыць за навінамі фестывалю можна праз суполку ў Facebook.