Як паведаміў карэспандэнту БелТА начальнік аддзялення агітацыі і прапаганды ДАІ УУС Віцебскага аблвыканкама Аляксандр Казючыц, трагедыя адбылася каля 18.30 прыкладна за кіламетр ад Оршы (на аўтадарозе Орша-Межава).
Жыхар Оршы 1958 года нараджэння на аўтамабілі «Форд Транзіт» збіў жанчыну-пешахода, якая ад атрыманых траўмаў памерла на месцы ДТЗ. Асоба загінулай пакуль не высветленая.
Па словах кіроўцы, аварыя адбылася літаральна адразу пасля сустрэчнага раз'езду, і ён не паспеў адрэагаваць. ДАІ шукае сведкаў і відавочцаў аварыі.
Праваахоўнікі просяць удзельнікаў дарожнага руху быць уважлівымі, асабліва падчас дажджу і ў цёмны час сутак. Пешаходам варта памятаць пра флікеры, а кіроўцам быць вельмі засяроджанымі падчас сустрэчных раз'ездаў.
0
0
0
0
0
0
