Абвешчаны метэаролагамі атмасферны фронт, цэнтральная частка якога ў суботу прынясе ў Беларусь шквалісты вецер, пачаўся сёння ападкамі снегу, і выклікаў ускладненне сітуацыі на дарогах большай часткі краіны.
Абласныя ДАІ паведамляюць пра вялікую колькасць аварый праз снежны пласт на заледзянелых раней дарогах. Прадстаўнікі ДАІ звяртаюцца да кіроўцаў з просьбай дапасоўваць хуткасць аўтамабіля да існуючых дарожных умоваў — і павялічваць адлегласці паміж машынамі на слізкай паверхні, каб паспець затармазіць у выпадку патрэбы.
У пятніцу па большай частцы краіны снегапады працягнуцца, што можа дадаткова ўскладніць дарожную абстаноўку.
Днём у суботу, 23 снежня, па паўночна-заходняй частцы краіны і цягам у сутак у нядзелю, 24 снежня, на большай частцы тэрыторыі Беларусі чакаецца ўзмацненне ветру парывамі да 15—20 м/с.
У пятніцу, 22 снежня, на большай частцы тэрыторыі краіны пройдзе снег, мокры снег, па захадзе з дажджом.
Тэмпература паветра ўначы ад нуля да мінус 5, па ўсходзе пры праясненнях — 6—8 градусаў марозу. Днём ад мінус 3 да +3.
У Мінску ўначы чакаецца мінус адзін — тры марозу, днём каля нуля, снег.
У суботу, 23 снежня, няўстойлівы характар надвор'я ў краіне абумовяць атмасферныя франты з Балтыйскага мора. На большай частц краіны пройдзе кароткачасовы снег, мокры снег.
Тэмпература паветра ўначы складзе ад нуля да мінус 6, удзень — ад мінус 3 да плюс 3 градусаў.
Характар надвор'я ў нядзелю істотна не зменіцца. У многіх раёнах прагназуюцца ападкі (мокры снег, які будзе пераходзіць у дождж). На большай частцы тэрыторыі краіны чакаецца ўзмацненне ветру парывамі да 15-20 м/с. Тэмпературны фон будзе павышацца. Уначы прагназуецца ад мінус 3 да плюс 3 градусаў. Днём — ад нуля да плюс 6, па паўднёвым захадзе — да 8 градусаў цяпла.
На Каляды, у панядзелак, будзе няўстойлівае з ападкамі надвор'е. На большай частцы тэрыторыі пройдуць ападкі ў выглядзе дажджу і мокрага снегу. У некаторых раёнах магчыма ўзмацненне ветру парывамі да 15—20 м/с. Тэмпература паветра на працягу сутак — ад нуля да плюс 6 градусаў. Ноччу па паўночным усходзе — 1—5 градусаў марозу, днём у паўднёва-заходніх раёнах — 7—8 градусаў цяпла.
У аўторак і сераду, 26-27 снежня, надвор'е будзе вызначаць цёплая паветраная маса, якая паступае з паўднёвага захаду Еўропы. У некаторых раёнах чакаецца мокры снег і дождж.
Тэмпература паветра ўначы складзе ад мінус 3 па паўночным усходзе да плюс 4 градусаў па паўднёвым захадзе, днём — ад нуля да +7.
