У адказ на нядаўні твіт Дональда Трампа пра тое, што ягоная чырвоная кнопка на працоўным стале большая і магутнейшая за такую ж на стале лідара Паўночнай Карэі, фатограф былога прэзідэнта ЗША выклаў яе здымак у сваім інстаграм-акаўнце.
«Чырвоная кнопка» на стале ў Авальным кабінеце Белага дому. Фота — Піт Сауза
«На шчасце, чырвоная кнопка тут не для таго, каб пачаць вайну, — яна выкарыстоўваецца для выкліку памочніка», — падпісаў свой здымак Піт Сауза. На панэлі з прэзідэнцкім гербам каля яе размяшчаецца таблічка з надпісам: «Цяжкія рашэнні цяжка прымаць» (Hard things are hard).
Афіцэр, адказны за ядзерны чамаданчык, садзіцца на амерыканскі Борт нумар 1. Фота — Піт Сауза.
Акрамя гэтага, Сауза размясціў здымак сапраўднага ядзернага чамаданчыка амерыканскага прэзідэнта, які выкарыстоўваецца для ініцыяцыі стартавых кодаў ядзерных стратэгічных сілаў Злучаных Штатаў і паўсюль падарожнічае разам з кіраўніком дзяржавы.
