Студэнты хімічнага факультэта БДУ даслалі ў «Нашу Ніву» скрыншоты перапіскі стараст груп і намесніцы дэкана па выхаваўчай рабоце Жаннай Цабкалай.
Жанна Цабкала. фота «Укантакце».
«Вітаю. Нясцерпна чакаю інфармацыю пра хлопцаў і дзяўчатаў, якія жывуць у інтэрнаце, старэйшыя за 18 і грамадзяне РБ — змогуць/не змогуць прагаласаваць!!! Калі хто не адпісаўся, то набярыце ім, калі ласка», — піша Жанна старастам універсітэцкіх груп напярэдадні выбараў у мясцовыя саветы.
Навошта такая інфармацыя намесніцы дэкана?
«Можаце спытаць у кожнага студэнта, што ніколі ніякіх прымусаў да ўдзелу ў выбарах з майго боку не было, — запэўнівае «Нашу Ніву» Жанна Цабкала. — У нас добразычлівыя адносіны са студэнтамі. Гэта я для сябе спраўджвала: хто будзе прысутнічаць, хто не будзе».
Цяпер ідзе зверка спісаў [выбарчых], якія, відаць, падаюцца… то бок, мы звяралі, хто дзе праходзіць практыку і будзе адсутнічаць — тыя змогуць галасаваць у іншых месцах, каб іх там у спісы ўнеслі. Мы са студэнтамі сустракаемся, абмяркоўваем, што такое выбары, што такое наш грамадзянскі абавязак і што такое наша права. Я нікога не прымушаю».
***
На тэлеграм-канал «Нашай Нівы» можна падпісацца тут.
