Фота Юліі Міцкевіч
Першая палова тыдня ў Беларусі будзе марознай, але ўжо з сярэдзіны тыдня надвор'е пачне мяняцца: тэмпература паветра павысіцца, але надвор'е пагоршыцца — чакаецца мокры снег, дождж, туманы і галалёд з галалёдзіцай,
распавяла Tut.by намеснік начальніка службы метэаралагічных прагнозаў Белгідрамета Святлана Рыбакова.
У аўторак ноччу будзе да -9 … -15°С, пры ясным небе месцамі паветра панізіцца да -16 …- 18°С, максімальная днём -5 …- 11°С.
24 студзеня, у сераду, ноччу да -10 …- 16°С, пры праясненнях месцамі паветра панізіцца да -18°С, максімальная тэмпература днём -3 …- 9°С; у заходніх раёнах краіны да -2 … + 1°С.
25 студзеня, на большай частцы тэрыторыі краіны чакаюцца кароткачасовыя ападкі ў выглядзе мокрага снегу і дажджу. Ноччу складзе -3 …- 8°С, па ўсходзе краіны яна яшчэ панізіцца да -10°С, у заходніх раёнах начная тэмпература ўжо каля 0°С; максімальная тэмпература днём складзе -3 … + 3°С.
У пятніцу, 26 студзеня, пераважна па паўночна-заходняй частцы краіны — мокры снег, дождж. Таксама чакаюцца слабыя туман і галалёд. На асобных участках дарог галалёдзіца. Тэмпература паветра мінімальная ноччу складзе 0 …- 6°С, па паўднёвым усходзе яшчэ паветра панізіцца да -7 ….-10°С, максімальная тэмпература днём складзе -3 … + 3°С.
