16 мая расіянін ехаў да сваіх знаёмых у Кіеў на рэйсавым аўтобусе праз пункт пропуску «Новая Гута».
Аднак ва Украіну яго не прапусцілі супрацоўнікі памежнай службы сумежнай дзяржавы. У 02.38 хлопец вярнуўся назад у Беларусь.
Не пакiнуўшы намеру трапіць да знаёмых, праз тры гадзіны расіянін паспрабаваў пералезці праз загараджальны плот за кіламетр ад пункта пропуску. Там яго і затрымаў пагранічны нарад аднаго з падраздзяленняў Гомельскай памежнай групы.
У дачыненні да затрыманага распачаты адміністрацыйны працэс за незаконнае перасячэнне беларускай мяжы. Яму пагражае штраф да 100 базавых велічынь.
