У Запарожжы паставілі рэкорд пасажыраўмяшчальнасці аўтамабіля ЗАЗ-968м, піша гарадскі сайт 061.ua.
Адзначаецца, што новы рэкорд зафіксавалі на відэа падчас выставы рэтра-аўтамабіляў «Запарожская брама». У салоне размясціліся 17 чалавек, у тым ліку некалькі падлеткаў. Удзельнікі эксперыменту прызналіся, што ў машыне не было чым дыхаць, але ўсе засталіся здаровыя. Кіроўца заявіў, што змог бы нават паехаць, калі б яму не замінала нага аднаго з пасажыраў.
У 2017 годзе падчас фестывалю ў «Запарожац» уціснуліся 14 чалавек, яшчэ раней — 12 чалавек.
А ў 2007 годзе ў «гарбаты» ЗАЗ-965 ўлезла 26 чалавек, але гэта былі толькі дзеці узростам ад 5 да 13 гадоў.
0
0
0
0
0
0
