У «Новай Гуце» мытнікі спынілі спробу незаконнага перамяшчэння праз мяжу больш за 560 манет і каля 30 вырабаў, якія з'яўляюцца культурнай каштоўнасцю, паведамляе Гомельская мытня.
53-гадовая расіянка абрала «зялёны» калідор, чым пацвердзіла адсутнасць у яе тавараў, якія неабходна дэклараваць. Аднак пры правядзенні мытнага кантролю ў салоне і багажніку яе легкавога аўтамабіля мытнікі выявілі старадаўнія металічныя вырабы, сярод якіх — манеты, жаночыя ўпрыгажэнні, невялікія абразы.
Вызначана, што вырабы са сплаву золата і срэбра, медзі і жалеза, каштоўнасці адносяцца да Чарняхоўскай культуры III-IV стагоддзяў н.э., а манеты са сплаву срэбра адчаканены ў Расійскім царстве ў XVI-XVIII стагоддзях.
0
0
0
0
0
0
