Некалькі беларусаў узялі ўдзел у штогадовым гей-прайдзе ў Стакгольме. Двое неслі расцяжку «Лепш быць геем, чым дыктатарам». А яшчэ адзін з удзельнікаў гей-прайду нёс бел-чырвона-белы сцяг і партрэт міністра ўнутраных справаў Ігара Шуневіча ў колерах вясёлкі, паведамляе радыё «Свабода».

Раней партрэт Ігара Шуневіча пранеслі падчас прайду ў амерыканскім горадзе Луісвіль.

Гэта рэакцыя на некалькі антыгейскіх заяў беларускага Міністэрства ўнутраных спраў.

Гей-прайды — гэта шэсці ў абарону роўнасці людзей незалежна ад сэксуальнай арыентацыі. ЛГБТ-актывісты праводзяць іх у розных краінах свету. У некаторых гарадах яны маюць тэатралізаваны характар, у іншых — форму звычайнай маніфестацыі з плакатамі. Форму «прайду», ад англійскага слова «гордасць», абралі, каб даказваць, што ЛГБТ маюць права дэманстраваць свае адносіны публічна, як і гетэрасэксуалы.

Клас
Панылы сорам
Ха-ха
Ого
Сумна
Абуральна

Хочешь поделиться важной информацией анонимно и конфиденциально?

Чтобы оставить комментарий, пожалуйста, активируйте JavaScript в настройках своего браузера