Да пасадкі хрызантэм прыступілі ў сталіцы, паведаміла карэспандэнту агенцтва «Мінск-Навіны» кіраўніца службы па добраўпарадкаванні і ўтрыманні аб'ектаў зялёнай гаспадаркі УП «Мінскзялёнбуд» Анжаліка Пузанкова.
Усяго закуплена 1 015 хрызантэм чырвонага, белага, жоўтага і аранжавага колеру. Яны ўпрыгожаць тэрыторыі каля стэлы «Мінск — горад-герой», парк Перамогі, зялёныя зоны каля гасцініцы «Планета», Ратушы, на пр. Пераможцаў, вул. Леніна і інш.
