Расследавальніцкая група Conflict Intelligence Team апублікавала «імаверную фатаграфію» вадзіцельскіх правоў Анатоля Чапігі, якую група атрымала ад ананімнай крыніцы, піша Meduza.
Дакумент быў выдадзены ў Хабараўску ў 2009 годзе.
«Са з'яўленнем новай фатаграфіі атрутніка Скрыпалёў Анатоля Чапігі у нас ёсць някепскі таймлайн з яго юных дзён у Сібіры да сённяшняга дня», — напісаў Арык Толер з Bellingcat.
Расследавальніцкая група Bellingcat і выданне The Insider, якія першымі назвалі імавернае сапраўднае імя Руслана Башырава, паабяцалі ў аўторак, 9 кастрычніка, назваць сапраўднае імя другога абвінавачанага, Аляксандра Пятрова.
