Хто спагадае справе адраджэньня нашага народу, няхай падтрымае нашу працу і падпішацца на «Нашу Ніву».
Зь Беларусі і Літвы (ад нашых карэспандэнтаў)
Зь Менску
Толькі ў жыдоўскай харальнай сынагозе была паніхіда (экзэквя) па Л.М.Талстым. Было і шмат хрысьціян.
Мікола Камароўскі
Лісты ў рэдакцыю
Пасылаю «Нашай Ніве» і ўсім яе супрацоўнікам сардэчнае, шчырае прывітаньне з далёкай Украіны, куды закінула мяне доля. Тут, здалёка ад сваёй Маткі-Беларусі, адзінай духоўнай сцэпкай з сваёй роднай зямліцай зьяўляецца газэціна «НН»: калі яе чытаеш, тады душой, здаецца, пералятаеш на беларускі пясок і глей, у сваю родную вёску, дзе радзіўся, правёў найлепшыя дні свайго жыцьця…
Цьвёрда веру, што наша родная Беларусь дачакаецца лепшых сьвятлейшых дзён у сваім цяжкім жыцьці!
Янук Журба, Екацярынаслаў (сёньня Днепрапятроўск. — «НН»)
№49. 3 сьнежня 1910
