president.gov.by
Аляксандр Лукашэнка пацвярджае сваю пазіцыю аб неабходнасці хутчэйшага ўрэгулявання канфлікту ва Украіне. Пра гэта ён заявіў 14 студзеня на сустрэчы з украінскім палітычным і дзяржаўным дзеячам Віктарам Медведчуком, паведамляе прэс-служба кіраўніка краіны.
«Гэтае непаразуменне (інакш не назавеш) трэба заканчваць. Брацкія рэспублікі, народы… Робім нашым ворагам і супернікам падарунак сваімі рукамі», — сказаў кіраўнік дзяржавы.
Аляксандр Лукашэнка адзначыў, што яму важна пачуць пазіцыю Віктара Медведчука па многіх пытаннях, асабліва па тых падзеях, якія разгортваюцца ва Украіне. «Для мяне гэта важна не толькі таму, што я асабіста хварэю за тое, што там адбываецца, але і таму, што гэта наша родная Украіна. Я і служыў, шмат разоў бываў там, ды і не хаваю, што мае старажытныя карані сыходзяць туды, паміж Чарнігавам і Кіевам, — падкрэсліў беларускі кіраўнік. — Яшчэ асновай усім з'яўляюцца і нашы адносіны з Украінай. І ў пачатку гэтага канфлікту па нашых дадзеных, а мы выразна вялі ўлік, да 150 тыс. чалавек хлынуў паток з Украіны. І мы далі ім роўныя ўмовы і правы з нашымі беларусамі. Хоць тады было няпроста. Але, дзякуй богу, усё абышлося. Нехта назад вярнуўся, хтосьці ездзіць туды-сюды, а нехта абсталяваўся, жыве і працуе тут як нашы блізкія, родныя людзі. Ёсць і негатыўныя фактары падзей, якія там адбываюцца. Я пра гэта публічна заўсёды кажу».
Кіраўнік дзяржавы адзначыў, што ведае пазіцыю Віктара Медведчука аб нармалізацыі сітуацыі паміж Расіяй і Украінай. «Вы валодаеце інфармацыяй і пра палітыку, пра гэту ўнутраную палітычную кухню, якая цяпер разгортваецца. З пункту гледжання нашых далейшых паводзінаў — Беларусі — нам вельмі важная ваша інфармацыя. Вы павінны мяне неяк зарыентаваць у гэтай сітуацыі», — сказаў ён
Віктара Медведчука таксама называюць кумам Пуціна.
