У папраўчай калоніі №4 у Гомелі адкрылі інтэрнат, дзе асуджаныя жанчыны змогуць знаходзіцца са сваімі дзецьмі да 3 гадоў, паведамляе МУС.
Фота: МУС.
Там таксама ўладкавалі ўчастак для ўтрымання асуджаных, якім яшчэ няма 18 гадоў.
Міністр унутраных спраў Ігар Шуневіч адзначыў, што зроблена многае, і ў першую чаргу, дзеля дзяцей.
— Той дзень, калі з задавальненнем прыязджаеш у папраўчую ўстанову закрытага тыпу. Мы спрабуем стварыць цывілізаваныя ўмовы для пэўнай групы асуджаных — жанчын з дзецьмі. Гэта вялікае ўкладанне грошай, і мы інвестуем у будучыню! Робіцца гэта для таго, каб вярнуць дзіця на светлы бок жыцця!
Пасля ўрачыстай цырымоніі госці прайшлі ў новы інтэрнат. Тут 15 пакояў для мам з дзецьмі на 20 месцаў, абсталяваных усім неабходным: столік для спавівання, камоды, дзіцячыя ложкі.
Фота: МУС.
Філіял сярэдняй агульнаадукацыйнай школы № 34 размясціўся на другім паверсе. Увечары тут будуць вучыцца дарослыя, якія па нейкіх прычынах не змаглі атрымаць базавую або сярэднюю адукацыю.
— У вачах я прачытаў велізарнае жаданне вучыцца! — адзначыў Ігар Шуневіч. — У любой справе патрэбен стымул, творчасць і магчымасць развіцця. Мы знойдзем спосаб адзначыць тых, хто скончыць школу з залатым медалём — умоўна-датэрміновае вызваленне ці замена пакарання.
