У Брэсце хлопец разграміў прыпынак грамадскага транспарту, распачата крымінальная справа, паведамляе абласное УУС.
Выпадак адбыўся ў ноч з 17 на 18 студзеня. Пра тое, што невядомы малады чалавек пашкодзіў прыпынак, праваахоўнікам распавяла сведка здарэння.
У міліцыі высветлілі асобу дэбашыра. Ім аказаўся 17-гадовы мясцовы жыхар. Супраць яго распачалі крымінальную справу па арт. 339 (хуліганства) КК.
Хлопец жанаты, выхоўвае дзіця. Паводле яго слоў, увечары ён з жонкай пасварыўся, назапашаную злосць хлопец спагнаў на прыпынку грамадскага транспарту.
0
0
0
0
0
0