Раніцай 5 лютага ў Наваполацку збілі пешахода: ДТЗ адбылося на хуткаснай дарозе ў раёне трамвайнага прыпынку «7-я школа».
30-гадовы жыхар Наваполацка за рулём Mitsubishi Carisma ехаў з боку Заводскага праезду па крайняй левай паласе і на нерэгуляваным пешаходным пераходзе наехаў на мужчыну 1985 года нараджэння.
У выніку ДТЗ 33-гадовага пешахода з траўмамі галавы і пазваночніка шпіталізавалі ў рэанімацыю Наваполацкай ЦГБ.
