Грамадская арганізацыя «Беларуская асацыяцыя журналістаў» працягвае штогадовы творчы конкурс «Вольнае слова».
Конкурс праводзіцца з мэтай удасканалення прафесійнага майстэрства супрацоўнікаў незалежных друкаваных СМІ і Інтэрнет-выданняў, заахвочвання таленавітых журналістаў, стымулявання іх дзейнасці ў адстойванні агульначалавечых каштоўнасцяў, у тым ліку прынцыпаў прафесійнай журналістыкі і свабоды слова.
Увага! Удзельнічаць маюць права толькі сябры ГА «БАЖ».
На конкурс прымаюцца журналісцкія матэрыялы, апублікаваныя з 1 студзеня 2008 года па 31 снежня 2008 года ўключна.
Даслаць творчыя працы неабходна да 15 студзеня 2009 года (па паштовым штампе). Вынікі будуць падводзіцца ў студзені-лютым 2009 года.
Намінацыі конкурсу:
1. Найлепшы інфармацыйны матэрыял
2. Найлепшая аналітычная публікацыя
3. Найлепшая публікацыя літаратурна-мастацкага жанру ў журналістыцы
4. Журналісцкае расследаванне
5. Дэбют
У чатырох першых вышэйпералічаных намінацыях прапаноўваецца ўручэнне трох грашовых прэмій (1 месца – 300 000 рублёў, 2 месца – 200 000 рублёў, 3 месца – 100 000 рублёў) і ганаровых дыпломаў БАЖ. Пераможцу намінацыі «Дэбют» уручаецца заахвочвальная прэмія і ганаровы дыплом БАЖ.
Запрашаем Вас прыняць удзел у творчым спаборніцтве за 2008 год.
Больш падрабязна пра намінацыі конкурсу і ўмовы афармлення конкурсных матэрыялаў вы можаце даведацца на сайце ГА «БАЖ».